पर्वतको रानीपानीमा गोलभेडा बालिमा सञ्चालित उद्यमशील आई. पि.एस कृषक पाठशाला कार्यक्रम सम्पन्न
अमृत भट्टराई ,पर्वत ।
पर्वतको बिहादी गाउँपालिका वडा नम्बर ३ रानीपानीमा
गोलभेडा बालिमा सञ्चालित उद्यमशील आई. पि.एस कृषक पाठशाला कार्यक्रम बुधबार एक कार्यक्रमका साथ सम्पन्न भएको छ ।
कार्यक्रमको प्रमुख अतिथि विहादी गाउँपालिका का अध्यक्ष परविन गुरुङ रहनुभएको कार्यक्रमको
विशिष्ट अतिथि विहादी गाउँपालिका उपाध्यक्ष मिना शर्मा तिवारी रहनुभएको थियो भने अतिथिहरुमा विहादी गाउँपालिका वडा नम्बर ३ रानिपानीका वडा अध्यक्ष गणेश पराजुली वडा नम्बर ४ वहाकीका वडा अध्यक्ष विष्णुप्रसाद भुसाल अन्य जनप्रतिनिधि , शिक्षक ,कर्मचारी ,विभिन्न पार्टीका प्रतिनिधि लगाएको उपस्थिति रहेको थियोे ।
गोलभेडा बालिमा सञ्चालित उद्यमशील आई. पि.एस कृषक पाठशाला कार्यक्रम को तालिम विहादीका कृषक अगुवा कृषक सहज कर्ता ऋषिराम भुसालले दिनुभएको थियो । भुसालले समापन कार्यक्रममा गाउँपालिका अध्यक्ष र उपाध्यक्ष लाई गाउँपालिका बाट आगामी दिनमा पनि कृषकलाई आवश्यक पर्ने विभिन्न कृषि मुलक कार्यक्रम दिन आग्रह गर्नु भयो ।
कृषक दिवस समापन कार्यक्रममा शुभकामना दिदै विहादी गाउँपालिका अध्यक्ष परविन गुरुङले भने गाउँपालिका ले २०८०/८१ को निति तथा कार्ययोजनामा किसानलाई लक्षित ल्याएको र सबै किसान कृषकलाई सेवा लिन आग्रह गरे ।
समापन कार्यक्रममा शुभकामना दिदै
पर्वतको विहादी गाउँपालिकाकी गाउँपालिका उपाध्यक्ष मिना शर्मा तिवारीले कृषि क्षेत्र दिदीबहिनीहरु को आयआर्जन को मुख्य स्रोत नै बनेको र किसानले उत्पादन गरेको एक किलो तरकारी पनि खेरा जान नदिइ पालिकाले बेच्ने प्रक्रिया छिटै अगाडि बढाइने उहाले बताउनु भयो । यो वर्ष भित्र कृषि एम्बुलेन्स ल्याउने प्रक्रिया अगाडि बढाएको र हरेक वडामा एक कृषि चिसियान केन्द्र स्थापना गर्ने कार्यक्रम अगाडि सारेको र जर्सी गाइ वा मुर्रा भैंसी पालेमा गाउँपालिका बाट २० हजार अनुदान दिने कार्यक्रम रहेको उपाध्यक्ष तिवारीले बताउनु भयो । गाउँपालिका का विभिन्न ठाउँमा उत्पादन भएको वस्तुलाई बजारीकरण गर्ने का लागि संकलन केन्द्र पनि छिट्टै सञ्चालनमा ल्याउने प्रक्रियामा लागेको समेत वहाँले बताउनु भयो ।
कृषकलाई लक्षित गरि कृषकको २५ प्रतिशत र बाकी ७५% गाउँपालिकाको अनुदानमा गोम्स टनेल दिने कार्यक्रम समेत अगाडि बढाइरहेको उपाध्यक्ष तिवारीले बताउनु भयो विहादीको विकासको मुख्य स्रोत भनेकै कृषि रहेको वहाँले बताउनुभयो ।
कार्यक्रमको सञ्चालन कृषक कविता ढकालले गर्नुभएको थियो भने कार्यक्रममा गोलभेडाको माल बनाएर गाउँपालिका अध्यक्ष ,उपाध्यक्ष र वडा अध्यक्ष लाई लगाएको थियो ।
कार्यक्रममा २५ जना तालिम लिएका कृषकलाई गाउँपालिका अध्यक्ष , उपाध्यक्ष ,वडा अध्यक्ष लगायतले टीका लगाएर प्रमाणपत्र हस्तान्तरण गर्नुभएको थियो ।
Comments